Opvoeding, kultuur, die bevordering van Afrikaans en sorg met waardigheid vir minderbevoorregte Afrikaanse mense… dit is die vier wiele waarop die Atterbury Trust loop
Atterbury Foundation
Atterbury Property Foundation NPC is in 2007 as ’n nie-winsgewende organisasie in tandem met Atterbury Trust gestig. Hierdie entiteit werk in vennootskap saam met voorheen-benadeelde gemeenskappe om opheffingsprojekte te skep.
Ons gee om vir studente
By Atterbury Trust glo ons in almal se potensiaal om hoë hoogtes te bereik, om die lewe voluit te lewe, om met talente te woeker. Dit is hoekom ons studiebeurse aan behoeftige jong mense met potensiaal toeken om hul drome te help bereik, nie net omdat ons kan nie, maar omdat ons wil.
Ons gee om vir opvoeding
By Atterbury Trust is studiebeurse nie al waarmee ons help nie. Baie behoeftige kinders in skole het basiese dinge soos kos, klere en gerieflike klaskamers nodig. Atterbury Trust se skoleprojekte help hiermee.
Ons gee om vir Afrikaans
Atterbury Trust ondersteun die bevordering van die Afrikaanse taal deur ondersteuning aan die Atterbury Teater, die Virtuele Instutuut vir Afrikaans (VivA) en Gelyke Kanse.
Ons gee om vir sorg met waardigheid
Atterbury Trust ondersteun Triomfkliniek in Pretoria-Wes. Hierdie fasiliteit, waar dokters hul tyd gratis verskaf, maak seker behoeftige pasiënte ontvang sorg met waardigheid.
Ons gee om vir kultuur
Kultuur lê ons na aan die hart by Atterbury Trust. Ons is trots dat Pretoria se Cool Capital Biënnale skole kunskompetisie, geborg deur die Atterbury Trust, so goed gevaar het dat dit Suid-Afrika by die Venesië Biënnale kon verteenwoordig. Atterbury Teater sorg vir van die beste vermaak in Gauteng, terwyl Groot FM 90.5 en die Groot Ontbyt, waarin ons ’n aandeel besit, Pretorianers lekker aan die luister hou en die hele land laat saamkyk. In Afrikaans!
Opvoeding
• Atterbury Trust studiebeurse
• Ondersteun behoeftige skole
Sorg met waardigheid
Gemeenskapsprojekte
• Triomfkliniek
Kultuur
Beleggings
• Atterbury Teater
• GrootFM 90.5
• Laerskool Die Krans
Projekte en borgskappe
• Atterbury Nasionale
Klavierkompetisie
• Versnit
• Karoo Suite
• Virtuele instituut vir Afrikaans (VivA)
• Cool Capital Biënnale
• Gelyke Kanse
• Lucas Maree liedjieskryfkompetisie
• Trust vir Afrikaanse onderwys (TAO)
OPTOG! – ‘n Trotse inisiatief van die Atterbury Trust
In 2019 ry Optog! na die uithoeke van ons mooie land én maak selfs ‘n wilde draai in Namibië! Die bussies word volgepak met ’n feestelike verskeidenheid van die beste musiek- en teatervermaak. Elke konsert is ’n kleurvolle ervaring en ’n verbeeldingryke viering van alles wat mooi is… ag, eintlik sommer net ‘n viering van die lewe! Daar is ook ’n paar heerlike verrassings op pad. Een ding is vir seker: Optog! laai iets vir almal in!
Oer-Afrikaanse vrouetydskrif herleef in unieke geskiedenisboek
Dit is vandag moeilik om Woolworths se betaaltou voor te stel sonder die rakke en rakke (en rakke!) tydskrifte, maar dit is slegs 100 jaar gelede toe die heel eerste vrouetydskrif vir Afrikaanse vroue die lig gesien het. Die Boerevrou was ’n baanbreker wat tussen 1919 en 1931 uitgegee is en nou die onderwerp is van ’n baie spesiale gedenkboek wat deur Atterbury Trust bestel kan word. Ons het gesels met Dr Jeanette van Rensburg, wat Die Boerevrou Gedenkboek 2019 saamgestel het.
Bestel Karoo-Suite koffietafelboek
Na aanleiding van die sukses van Karoo-Suite het die Atterbury Trust in oorleg met Deon Meyer en Coenie de Villers besluit om die Karoo-Suite woorde, musiek en fotografie in ’n pragtige koffietafelboek te verewig. Die Atterbury Trust dra die volle koste van produksie en Deon en Coenie verskaf die inhoud, wat ’n Karoo-Suite CD insluit, gratis.
Ken jy ‘n uitblinker wat graag verder wil studeer? Kyk hier na die program oor die Atterbury Trust wat op die Groot Ontbyt verskyn het. Lindie Strydom praat met Zahn Hulme, Leonie du Preez en ook met van die Atterbury Trust beurstudente.
Hallo Zahn
Dankie vir jou dankie! Dit was ‘n maklike kombinasie van ‘n organisasie met sterk fondasie, goeie stories en ‘n kameraspan en regisseur wat dit professioneel en mooi bymekaar bring!
Julle manier van doen is werklik soos ‘n “ingryping” in iemand se lewe – waar julle vir ‘n drie tot vier jaar tydperk intensioneel inbou en inspreek en hy/sy – en ook die mense en die gemeenskap om hulle – daarna nooit weer dieselfde is nie. Ons is ontsettend trots om saam met julle te kan werk en dit wat julle doen te bevorder, waar of hoe ook al ons kan!
Hiermee die skakel na die insetsel wat ons uitgesaai het. Deel dit gerus om ander ook te inspireer!
Groete
Lindie Strydom
GrootFM 90.5 Projekorganiseerder
