Ons gee om vir studente
By Atterbury Trust glo ons in almal se potensiaal om hoë hoogtes te bereik, om die lewe voluit te lewe, om met talente te woeker. Dit is hoekom ons studiebeurse aan behoeftige jong mense met potensiaal toeken om hul drome te help bereik, nie net omdat ons kan nie, maar omdat ons wil.
Ons gee om vir opvoeding
By Atterbury Trust is studiebeurse nie al waarmee ons help nie. Baie behoeftige kinders in skole het basiese dinge soos kos, klere en gerieflike klaskamers nodig. Atterbury Trust se skoleprojekte help hiermee.
Ons gee om vir Afrikaans
Atterbury Trust ondersteun die bevordering van die Afrikaanse taal deur ondersteuning aan die Atterbury Teater, die Virtuele Instutuut vir Afrikaans (VivA) en Gelyke Kanse.
Ons gee om vir sorg met waardigheid
Atterbury Trust ondersteun Triomfkliniek in Pretoria-Wes. Hierdie fasiliteit, waar dokters hul tyd gratis verskaf, maak seker behoeftige pasiënte ontvang sorg met waardigheid.
Ons gee om vir kultuur
Kultuur lê ons na aan die hart by Atterbury Trust. Ons is trots dat Pretoria se Cool Capital Biënnale skole kunskompetisie, geborg deur die Atterbury Trust, so goed gevaar het dat dit Suid-Afrika by die Venesië Biënnale kon verteenwoordig. Atterbury Teater sorg vir van die beste vermaak in Gauteng, terwyl Groot FM 90.5 en die Groot Ontbyt, waarin ons ’n aandeel besit, Pretorianers lekker aan die luister hou en die hele land laat saamkyk. In Afrikaans!
Klik hier (PayFast) om ‘n skenking te maak of gebruik ons bankbesonderhede hier onder.
Rekening ATTERBURY TRUST IT 4555/98
FNB 63006546238
Takkode 252445
’n Artikel 18 A-sertifikaat sal aan jou uitgereik word vir die belastingvoordele van ’n skenking.
Gebruik jou bank app
As jy ‘n bank app het, is skenk nou so maklik soos 1-2-3. Skandeer bloot hierdie QR kode via die app (Meeste groot banke)
Raakvat-syfers
Studente (1994-2024)
- 864 Beursleningstudente
- 675 grade behaal
- 167 huidige studente
MOI (2020-2024)
- 82 Hoërskoolleerders
- 14 Hoërskole in die wynlande
- 20 Matrieks 2024 (2023: 2)
Triomf Kliniek (2014-2024)
- 6 686 pasiënte
- 122 klinieke in 2023
- 18 aktiewe dokters betrokke
Terugploeg (2020-2024)
- Meer as 730 ton landbouprodukte uitgedeel
- Meer as 2,9 miljoen etes
- 109 Organisasies word ondersteun
- Beeste in Rustenburg, Bela Bela en Askham met Boersaam gevestig
- Terugploeggebou en vleisverwerkingsfasiliteit voltooi
- Maandeliks 18 werksgeleenthede
- Terugploeg Karwas (The Club) – meer as 200 karre per maand gewas.
- Die Bosveld fietsry- en staproete by Firstland
Atterbury Teater (2011-2024)
- 3 000 vertonings
- 1 miljoen besoekers
Ad-hoc projekte
- Verskeie welwillendheidsprojekte sedert 2013 in samewerking met mediavennoot GrootFM 90.5
- Jaarlikse Atterbury Nasionale Klavierkompetisie (sedert 2011)
- Projekbestuur van Trust vir Afrikaanse Onderwys se infrastruktuur-projekte by Afrikaanse skole: 17 projekte onderweg
- Survivors gholfdag – administratiewe en finansiële bestuur
- Atterbury Trust Nasionale Acappella Sêrkompetisie
- Elvis Ry vir Skoolgeld
- Maak my ’n miljoenêr-borgskap
- Karoo Suite – opvoedingsgeleenthede vir kinders uit die Karoo in samewerking met Coenie de Villiers en Deon Meyer
- Inani Startwell groeibelemmeringsprojek
Atterbury Property Foundation NPC is in 2007 as ’n nie-winsgewende organisasie in tandem met Atterbury Trust gestig. Hierdie entiteit werk in vennootskap saam met voorheen-benadeelde gemeenskappe om opheffingsprojekte te skep.