’n Netwerk gaan nie net oor wat jy daaruit kan kry nie, maar ook oor wat jy kan teruggee.

Dit was die kernboodskap tydens Atterbury Trust se vyfde MengNet-geleentheid, waar jong professionele mense weer die geleentheid gehad het om nuwe verbindings te bou, kennis te deel en by ervare sakeleiers te leer.

Lood Bester, Suid-Afrikaanse sakeman, het die gesprek gelei met Jean Engelbrecht, eienaar van Rust en Vrede Wynlandgoed, Jannie Durand, HUB van Remgro, en Jan Morgan, eienaar van Morgan Holdings.

MengNet gaan oor meer as net netwerkgeleenthede. Dit gaan daaroor om mekaar aan te moedig, geleenthede te skep en terug te gee. Want elkeen van ons het iets om te bied – of dit jou tyd, kennis, ervaring, netwerk of bloot die bereidwilligheid is om te vra: “Waar kan ek help?”

Ons vierde MengNet-geleentheid by die pragtige Rust en Vrede Wynlandgoed was ’n besonderse aand van insig, gesprekke en waardevolle verhoudings. Met inspirerende gesprekke deur:
🔹 Gerrie Fourie – voormalige uitvoerende hoof van Capitec
🔹 Johan van der Merwe – mede-uitvoerende hoof van African Rainbow Capital
🔹 Jean de Villiers – voormalige Springbok-kaptein

Die aand se boodskap was duidelik: Wanneer ons regtig verstaan wat mense dryf en hulle belange met integriteit dien, skep ons nie net beter resultate nie, maar ook betekenisvolle verhoudings.

Die eerste MengNet-geleentheid van 2026 het in Pretoria afgeskop en entrepreneurs en sakelui bymekaar gebring vir ’n aand van betekenisvolle skakeling, samewerking en gesprek.

Ons paneelsprekers:
• Lood Bester – Suid-Afrikaanse sakeman
• Louis van der Watt – Eiendomsentrepreneur en uitvoerende hoof van Atterbury Property
• Dewald Tewater – Landbou-entrepreneur en 2023 Nasionale Boer van die Jaar
• Petru van Zyl – Stigter van pHformula

Die paneel het hul ervarings gedeel oor groei, deursettingsvermoë en wat dit werklik verg om uit te blink — en die realiteit dat harde werk deel is van elke suksesverhaal.

MengNet skep ’n ruimte waar jong volwassenes kan skakel, saamwerk en mekaar versterk. Die 2de MengNet-funksie is by La Gratitude in Stellenbosch gehou, waar Outsurance se Willem Roos, oud-Bok Fourie du Preez en Freedom of Movement se Roal Boezaart hul stories gedeel het van groot drome en duur lesse tot raad wat jou toekoms kan verander.