Die “Elvis Ry vir Skoolgeld”-inisiatief het in 2024 die lig gesien toe Elvis Blue besluit het om sy fiets te gebruik om aandag te vestig op ‘n saak wat hom na aan die hart lê.

Te veel kinders mis uit op onderwysgeleenthede bloot omdat daar nie geld is nie. Hierdie projek help om dit te verander – een kind op ’n slag.

In 2024 het Elvis in George weggespring en tot in Nelspruit gery. Hierdie jaar doen hy dit weer – die keer ry hy van Stellenbosch tot in Namibië.

Alle fondse word ingesamel vir Atterbury Trust se opvoedingsprojekte en behoeftige kleuterskole.