Triomfkliniek

Nadat dit in Julie 2014 geopen is, het die Triomfkliniek in Pretoria-Wes van krag tot krag gegaan en lewer daagliks soos sy leuse sê, “uitnemende sorg met waardigheid”. Meer as 400 pasiënte is reeds gehelp. Die Atterbury Trust befonds die klinieksuster en is behulpsaam met fondswerwing, bemarking en onderhoud by die kliniek. ’n Engelspan van twee algemene praktisyns, ’n internis, ginekoloog, tandarts, twee dermatoloë en oogkundiges gee op ’n gereelde basis gratis van hulle tyd om pasiënte by die kliniek te help. Kansa bied ook elke kwartaal ’n kliniek aan.

Triomf Logo Options _ 3.cdr

Visie

Om hoë gehalte gesondheidsorg en verpleging te kan bied wat gekombineerd is met goeie werksetiek en moderne tegnologie.

Missie

  • Triomf is ’n mediese diensprogram – wat in die vorm van ’n kliniek in die weste van Pretoria gestalte aangeneem het.
  • Dit is die resultaat van ’n samevloeiing van idees vanaf ’n groep medici wat die kritieke tekortkominge in gesondheidsorg vir die minderbevoorregte inwoners van Pretoria-Wes as ‘n knellende behoefte geïdentifiseer het.
  • Die doel is om ’n infrastruktuur te vestig wat as platform sal dien vir mediese praktisyne om hulle dienste teen ‘n minimale fooi aan hierdie gemeenskap te lewer.
  • Die hooffokus van die kliniek se dienste is kinders en bejaardes.

Samewerkende organisasies

Rolspelers van Triomf bestaan uit:

  • Atterbury Trust
  • Aktiewe liefdadigheidsorganisasies in die onmiddelike omgewing
  • Christelike Maatskaplike Raad (CMR)
  • Suid-Afrikaanse Vroue-Federasie (SAVF)
  • Lions Charity Group Pretoria Lynwood
  • Die Kankervereniging van Suid-Afrika (KANSA)
  • MEDIAKIDZ Stigting

Die projek is van so aard dat daar enige tyd belangegroepe kan deelneem en betrokke raak by die projek, hetsy vir die lewering van dienste of skenking van toerusting of kundigheid. Sedert die kliniek oopgemaak het, het organisasies soos Cansa, Specsaver en wie nog???, klinieke kom aanbied en ekstra waarde toegevoeg vir die mense van Pretoria-Wes.

Die moontlikheid word oopgehou om die kliniek uit te brei om forensiese maatskaplike werk ook te betrek

Verwysingsmodel

Die kliniek behandel nie inlooppasiënte en noodgevalle, soos by staats-en privaathospitale nie, maar lewer ’n diens aan pasiënte wat deur die samewerkende organisasies verwys is na die kliniek en op afspraak die deelnemende dokters kom sien.

Slegs geïdentifiseerde liefdadigheidsorganisasies, soos goedgekeur deur die Triomfraad van trustees, sal toegelaat word om verwysings te handhaaf en die kliniek te besoek.

Platform van dienslewering

  • Basiese/primêre mediesesorg, bv: Verkoue, griep, ontstekings en infeksies.
  • Polikliniek – algemene praktisyns – halfdag sessies
  • Spesialis klinieke: Interne Geneeskunde, Dermatologie, Pediatrie (Dienste wat nie intensiewe mediese toerusting verg nie.)
  • Tandheelkunde
  • Maatskaplike dienste
  • Prosedurekamer

Toerusting benodig

  • Verskeie mediese toerusting bv X-straal-masjien, bloeddrukmeters
  • Meubels: ondersoekbed, drie dokterstoele, twee lessenaars, stoel en lessenaar vir personeelvertrek, wit bank en stoele
  • Buitemeubels: weerbestande tafel en stoele
  • Kombuisitems vir personeel – eetgerei ens.
  • Rekenaar met internetkonneksie en wifi
  • Skryfbehoeftes
  • Laserdrukker/kopieerder/faksmasjien
  • PABX foonstelsel met ontvangs en uitbreidings
  • Groot yskas
  • Vensterblindings vir alle vensters
  • Twee ruim kluise vir sekuriteit
  • Klerehake vir dokters en pasiënte

Triomf-voorlegging (PDF formaat)

Bankbesonderhede vir skenkings

Rekening Atterbury Trust
Nedbank 1497004187
Takkode 149745

’n Artikel 18 A-sertifikaat sal aan jou uitgereik word vir die belastingvoordele van ’n skenking.

Skenk aan Triomfkliniek

Deur middel van PayFast kan jy maklik aan Triomfkliniek skenk.

 

Briewe

BurgerOngeveer 7-8 jaar gelede het daar ’n blou swam aan die regte kant van my nek ontstaan. Daar is by verskeie klinieke (staats) en dokters hulp gesoek. Daar is korisoon voorgeskryf. Daar is ook op ’n stadium aan my swam gesny (oopgesny) om te yok of daar iets uitkom. Dit het ’n septiese gat gelaat wat moeilijk toegegroei het. Ongeveer vier jaar gelede het daar ook ’n rou seer op my linker bobeen ontstaan, die vleis het uitgepeul en het aanmekaar gebloei.

Verlede jaar April 2014 het ons die advertensie van die Triomfkliniek gesien. Ons het dadelik gebel vir ’n afspraak, wat ons die volgende dag die dokter kan sien. Ons is baie vriendelik ontvang en het onmiddellijk met die prosedure begin om die groeisels te verwyder, wat toe blyk kanker te wees.

Mev. Iris Roscher en Dr. Mark Roscher was baie wonderlik. Die vriendelike en professionele help wat ons dadelik gekry het was wonderlik. Dankie die Liewe Vader vir mense soos hulle.

Dankie
Mnr. PJJ Burger

 

Louis breedtGoeie dag,

Ons wil net baie dankie sê dta julle dit moontlik gemaak het vir Louis Breed tom vir die oortoets te gaan en ook nog ’n gehoorstuk te kry wat die lewe nou vir ons almal gemaklik te maak en nie die hele tyd alles moet herhaal nie.

Louis was vrydag vir sy toets en watter vriendelike ontvangs het ons gekry van Yentel! Sy het hom dadelik op sy gemak laat voel.

Nogmaals baie dankie vir almal wat dit vir hom moontlik gemaak het, ons waardeer dit opreg.

Groete,
Louis en Agnes Breedt

 

CANSA day

Triomfkliniek-nuus