Atterburyteater

“Dit is verblydend om te weet dat ’n reuse-organisasie soos Atterbury Trust ook passievolle belang het by die bevordering van die Afrikaanse taal en kultuur.”

“Van die heel begin van Cool Capital af, was daar een borg wat bankvas agter ons gestaan het. Die Atterbury Trust se aanmoediging, ondersteuning en entoesiasme was vir ons ’n besonderse ervaring. Ons voel verskriklik bevoorreg om mense soos Zahn van die Trust aan ons kant te hê.”

“Ek voel oor die Atterburyteater, sy personeel en sy gehore, dat wanneer ek daar optree dit soos ’n tuiskoms is saam met familie. Die teater, met sy uitstekende toerusting en ambience, bied vir my as kunstenaar ’n plek waar ek steeds in optimum omstandighede my werk kan doen en veilig nuwe dinge uitprobeer.”

“Die teater is pragtig, die fasiliteite is van die beste, maar die belangrikste is die mense wat dit bestuur. Hulle is fantasties en laat ons elke keer tuis voel.”

“Die Atterbury Nasionale Klavierkompetisie bied aan ons jong pianiste die kans om hul talent en vaardighede op die verhoog uit te leef. Deelname aan ’n kompetisie op nasionale vlak verg geweldige passie en baie tyd, en dit is ’n voorreg om hierdie toewyding met goeie prysgeld te kan beloon. Die bydraes van organisasies soos ons hoofborg Atterbury Trust maak dit moontlik.”

“Atterbury Teater gee kunstenaars die geleentheid om weer in ‘n professionele, regte teater op te tree. Elke kunstenaar se droom!”

“Atterbury Trust is die perfekte vennoot waardeur GrootFM 90.5 die breë Afrikaanse gemeenskap van Pretoria kan dien. Die impak van dié vennootskap het reeds honderde mense se lewens direk aangeraak en duisende luisteraars geïnspireer. Ons is dankbaar vir die Trust se bereidwilligheid om saam met ons te werk en sien uit daarna om in die toekoms nog groter projekte aan te pak wat ons gemeenskap blywend kan transformeer.”

“As ek kon kies sou ek elke aand in Atterbury Teater wil sing, professioneel kan aan alles en almal in en om daai gebou gekoppel word.”

“Ek beskou die Atterbury as die beste konsertteater tans in die land vanweë sy sentrale ligging, netheid, puik toerusting, effektiewe personeel en fantastiese akoestiek. Daar is boonop hope veilige parkeerplek en verskeie uitstekende restaurante om by te eet. Die atmosfeer van die teater is heerlik en bevorderlik vir enige vorm van kuns.Lank lewe die Atterbury Teater!”