Kultuurnuus

“Die teater is pragtig, die fasiliteite is van die beste, maar die belangrikste is die mense wat dit bestuur. Hulle is fantasties en laat ons elke keer tuis voel.”

“Ek voel oor die Atterburyteater, sy personeel en sy gehore, dat wanneer ek daar optree dit soos ’n tuiskoms is saam met familie. Die teater, met sy uitstekende toerusting en ambience, bied vir my as kunstenaar ’n plek waar ek steeds in optimum omstandighede my werk kan doen en veilig nuwe dinge uitprobeer.”

“Atterbury Teater gee kunstenaars die geleentheid om weer in ‘n professionele, regte teater op te tree. Elke kunstenaar se droom!”

“Atterbury Teater is verseker een van die heel beste toegeruste teaters in Suid Afrika! My gunsteling! Verseker ‘n voorreg om in so ‘n teater op te tree

“Die Atterbury Nasionale Klavierkompetisie bied aan ons jong pianiste die kans om hul talent en vaardighede op die verhoog uit te leef. Deelname aan ’n kompetisie op nasionale vlak verg geweldige passie en baie tyd, en dit is ’n voorreg om hierdie toewyding met goeie prysgeld te kan beloon. Die bydraes van organisasies soos ons hoofborg Atterbury Trust maak dit moontlik.”

“Atterbury Trust is die perfekte vennoot waardeur GrootFM 90.5 die breë Afrikaanse gemeenskap van Pretoria kan dien. Die impak van dié vennootskap het reeds honderde mense se lewens direk aangeraak en duisende luisteraars geïnspireer. Ons is dankbaar vir die Trust se bereidwilligheid om saam met ons te werk en sien uit daarna om in die toekoms nog groter projekte aan te pak wat ons gemeenskap blywend kan transformeer.”

“Die Atterbury Teater vervul ‘n ongelooflike groot behoefte in Pretoria en staan uit as ‘n kwaliteit venue waar van die land se beste vermaak aangebied word. Nog ‘n unieke eienskap is ‘n omgewing met top-klas restaurante vir onthou-kuiers. Daar is geen beter venue om by op te tree of wat die tegniese en estetiese kwaliteite van die Atterbury Teater kan ewenaar nie; ‘n regte tuiste vir kunstenaars. Dit was ‘n voorreg om met die opening daar te kon optree, en ek hoop dat ek ook eendag op ‘n gawe r…

“Atterbury Trust het dit moontlik gemaak om die eerste mobiele woordeboektoepassing vir Afrikaans te ontwikkel. Maar dis nie net die finansiering wat getel het nie. Die waarde van Louis en Zahn se persoonlike raad en bystand, hulp en ondersteuning is ver bo dié van enige geldelike bydrae. Baie dankie!”

“Atterbury Teater is een van die min teaters in Suid-Afrika wat moeiteloos voldoen aan die Europese standaard waaraan ek gewoond is. Die besieling van die mense wat daar werk is top en die venue self is vir kunstenaar en gehoor die ideale plek om die essensie van teater te ervaar. Teater moet ’n huis wees waar jy tuis voel… by Atterbury kom ek tuis.”