Kultuurgalery

Atterbury klavierkompetisiewenners 2015

So lyk vanjaar se Atterbury Klavierkompetisiewenners:

Algehele 1ste plek: Leo Gevisser
Alghele 2de plek: Rosemarie Lemmer
Algehele 3de plek: Cindy Ju
Wenner 12 jaar en jonger: Leo Gevisser
Wenner 15 jaar en jonger: Louis Nel
Wenner 19 jaar en jonger: Rosemarie Lemmer
Beste uitvoering van ’n Barok werk: Leo Gevisser
Beste uitvoering van ’n Klassieke werk: Rosemarie Lemmer
Beste uitvoering van ’n Romantiese werk: Landi Schaap
Beste uitvoering van ’n Moderne werk: Leo Gevisser
Beste uitvoering van ’n Suid-Afrikaanse werk: Swunhtat Oo

 

Versnit 2015

Die Atterbury en Rust en Vrede Versnit is vanjaar vir die vierde keer deur Rust en Vrede, Atterbury en Attacq aangebied. Die spesiale geleentheid, wat ten bate van die Atterbury Trust aangebied word, het oor die afgelope paar jaar soos ‘n goeie versnitwyn ontwikkel en in statuur gegroei. Talentvolle Afrikaanse kunstenaars — sommige al volksbesit oor jare en ander splinternuut — het die uitgelese gehoor vanjaar meegesleur op ’n nostalgiese reis.

Wanneer Suid-Afrika se beste Afrikaanse kunstenaars bymekaarkom om ’n vertoning soos Versnit aan te bied, is dit ’n voorreg om na hulle te kan luister. Om dit saam in die wonderlike natuur by Rust en Vrede te geniet, is voorwaar ’n geleentheid om te onthou.

Ons het na ou, ou liedjies van Laurike Rauch geluister. Liedjies soos Blou Kafee en Nostalgie het ons teruggeneem na tye van mooi wense wens en drome droom. Elvis Blue het ons laat terugverlang na die dae toe ons jonk was. Steve Hofmeyr het ons herinner aan die vrou agter elke man.

Tussendeur het ons verder die pad met Amanda Strydom saamgeloop. Jannie Moolman het ons laat dink aan swaarkry as die wintermaande nader kruip op die plaas en eensklaps is ons verras deur die nuweling Joshua na die reën se Sekelmaan en Lig op die Horison.

Riana Nel het ons laat opkyk na die hemel, weg van jouself af op ’n heerlike somersaand op Rust en Vrede. Saam met Adam Tas het ons gevra: Is dit hoe die hemel lyk, is dit hoe die hemel proe? 

Hierdie aand kan net plaasvind as gevolg van die insette van baie mense agter die skerms. Die infrastruktuur- en dekorspan, Jean Engelbrecht en die Rust en Vrede mense, Louis van der Watt en Zahn en Karin van die Atterbury span, die administratiewe personeel, chefs en kelners.

’n Groot dankie aan Matthys Maree, Alexa Strachan en die orkes, asook compére Johan Badenhorst.

Verlore In Stof amptelike openingsaand 5 Junie 2014

Versnit 2014